Werkwoorde
Doelwit:
Die leerder moet ‘n werkwoord kan identifiseer en weet wat dit is.
Lesinhoud:
Goeie dag Graad 4’s
Vandag gaan ons kyk na werkwoorde.
Ons het reeds in kwartaal een werkwoorde behandel, so kom ons kyk of jy nog kan onthou.
Wat is ‘n werkwoord? (Kyk na die powerpoint aangeheg.)
Werkwoorde is die doenwoorde in die sin. Dit dui die aksie aan.
Bv. Ek borsel my tande. Borsel is dus die werkwoord, want dit is wat jy doen in die sin.
Bv. Die seun hardloop ‘n wedloop. Hardloop is die werkwoord.
Kan jy nog onthou wat ‘n onderwerp, voorwerp en gesegde is?
Kom ons hersien gou weer:
Susan pluk ‘n roos.
| Onderwerp | Wie voer die aksie uit? | Susan |
| Werkwoord/Gesegde | Wat is die aksie of doenwoord? | pluk |
| Voorwerp | Wie of wat? | ‘n roos |
AKTIWITEITE
(Aangeheg is die hele week se aktiwiteite, jy moet slegs vandag, Dinsdag, se aktiwiteit voltooi.)
AKTIWITEIT:
Gebruik DBO Afrikaans Huistaal – rooiboek: Bl.92.
Kyk mooi na die prentjies en identifiseer die werkwoord.
Skryf ‘n sin met die werkwoord , ‘n onderwerp en ‘n voorwerp in die teenwoordige tyd.
Skryf dieselfde sinne dan weer oor in die verlede tyd.
MEMORANDUM: DINSDAG 12 MEI
Bl.92
Werkwoord: | Voorbeeld van ‘n sin: |
vang/hardloop | Die seun (Hy) vang die bal. Die seun (Hy) hardloop met die bal. |
spring | Die dogter (Sy) spring tou. |
hardloop | Die seun (Hy) hardloop met die bal. |
kolf/slaan | Die seun (Hy) kolf. Die seun (Hy) slaan die bal. |
swem | Die seun (Hy) swem in die swembad. |
Werkwoord: | Voorbeeld van die sin in die verlede tyd: |
1.vang/hardloop | Die seun (Hy) het die bal gevang. Die seun (Hy) het met die bal gehardloop. |
2. spring | Die dogter (Sy) het tou gespring. |
3. hardloop | Die seun (Hy) het met die bal gehardloop. |
4. kolf/slaan | Die seun (Hy) het gekolf. Die seun (Hy) het die bal geslaan. |
5. swem | Die seun (Hy) het in die swembad geswem. |
| ONDERWERP | VOORWERP | GESEGDE |
1. | Die seun / Hy | Die bal | het gevang/ gehardloop |
2. | Die dogter / Sy | tou | het gespring |
3. | Die seun / Hy | die bal | het gehardloop |
4. | Die seun/ Hy | die bal | het gekolf/ geslaan |
5. | Die seun/ Hy | in die swembad | het geswem |
AFRIKAANS - GR.4 11-15 Mei.pdf